Најневообичаените хотели во Германија

Првиот германски хотел-колбас

Во овој хотел во Ритерсбах сѐ се врти околу колбасите: тапети со колбаси, перници во облик на колбас, декорации со колбаси насекаде. На приземјето има ресторан за колбаси, а покрај хотелот и месарница која доставува свежи колбаси. Гостите тука може да добијат колбас наполнет по нивна желба и да си го однесат дома како сувенир, или пак да го изедат на лице место.

Најневообичаените хотели во Германија

Зад решетки

Порано овде биле сместени криминалци, а денес преноќеваат фанови на затворски ќелии. Во поранешниот затвор во Кајзерслаутерн се наоѓа хотелот Алкатраз, кој има 56 соби и апартмани. Челичните решетки ги има насекаде - како овде, во барот во хотелот. Сепак, гостите, се разбира, може слободно да се движат.

Најневообичаените хотели во Германија

Спиење во уметничко дело

Секоја од собите е уникат. Во една гостите спијат во ковчег, во друга мебелот виси од таванот. Хајлајт е собата со многу агли, чии ѕидови и таван се огледала. Берлинскиот хотел Пропелер Ајленд се самопоима како комплетно уметничко дело, креација на уметникот Ларс Штрошен. За една од собите тој дури ја има компонирано и музиката која се слуша во позадина.

Најневообичаените хотели во Германија

Романтика во вагони

Во Јитерборг, на оддалеченост од 60 километри од Берлин, посетителите можат да го доживеат шармот на Трансибирската железница. Во хотелот кој се состои од вагони за спиење има место за 25 гости. Во секој вагон има кревет за двајца, софа и бања.

Најневообичаените хотели во Германија

Ноќ мината во куфер

Ова е веројатно најмалиот хотел на светот, ако воопшто може да се нарече хотел: Кофтел во Лунценау, кај Кемниц, е отворен во 2004 година. Тој се состои од кабина за спиење во облик на куфер, широка 1,5 метар, долга 2 метри и висока исто така 2 метри. Преноќевање во сопствена вреќа за спиење чини околу 15 евра. Од април до октомври годишно во Кофтел престојуваат околу 500 гости.

Најневообичаените хотели во Германија

Како хобит

Земјата на хобитите во живо! За таа цел не мора да се патува екстра до Нов Зеланд, каде што е сниман филмот Господар на прстените. Доволно е да се појде до Тириншката шума, каде се наоѓа хотелот кој се состои од приземни куќички со соби за спиење, удобни соби за дневен престој и бањи.

Најневообичаените хотели во Германија

Вие и волците...

Самрак, завиваат волци и никаде жива душа - кој сака авантура, би требало да помине една ноќ во хотелот Три Ин во Бремен. Хотелот на дрво се наоѓа среде Центарот за волци Дерверден. Животните може да се набљудуваат преку големиот ѕид од стакло, од висина од околу пет метри. Куќата на дрво има сѐ - од минибар до џакузи.

Најневообичаените хотели во Германија

Кревет во одводна цевка

Овде не тече отпадна вода. Во Парк-хотелот Ботроп гостите преноќеваат во цевки. нема регуларна цена за преноќевање. Секој гостин плаќа колку што сака. Цевките се долги три метри, имаат дијаметар од 2,40 метри и се тешки 11,5 тони - доволно место за еден кревет и ноќна масичка.

Најневообичаените хотели во Германија

Како Диоген во бурето

Онаму каде што може да се складира вино, може и да се спие. Во дворот на хотелот Линденвирт, во Ридесхајм на Рајна, има шест буриња во кои може да се преноќева. Тие нудат доволно место за два кревета.

Најневообичаените хотели во Германија

Спиење и јадење како витезите

Хотелот Артус во близина на Боденско Езеро ве враќа во минатото. Хотелските соби изгледаат како собите во Средниот век, а подрумот кани на витешки оброци. За служење се задолжени „слугинки“. Низ вечерта води „мундшенк“ (човек од кралскиот двор кој во Средниот век бил задолжен за пијалокот, пред сѐ вино).

Најневообичаените хотели во Германија

Хотел кој не е за зиморливи

Пијалоците на барот во Иглу-ложата се гарантирано ладни! Хотелот од мраз, кој се наоѓа на Небелхорн кај Оберстдорф, е отворен од декември до средината на април. Во иглу-собите има место за два или четири кревети, а хотелот може да собере околу 40 гости. Хотелот се наоѓа на надморска височина од 2000 метри и нуди панорамски поглед на Алпите.

Фотографии на денот

Медалот за Заев и Ципрас

(16.02.2019) На премиерите Зоран Заев и Алексис Ципрас денеска во Минхен ќе им биде врачена наградата „Евалд фон Клајст“ за 2019 година. Наградата ја доделува Минхенската безбедносна конференција, за извонреден придонес за мирот и за решавање на конфликти. Заев и Ципрас ќе добијат медали како на оваа #ФотографијаНаДенот како признание на нивните напори за решавање на спорот околу името Македонија.

Фотографии на денот

Трамп ќе прогласи вонредна состојба

(15.02.2019) На #ФотографијаНаДенот поддржувач на Доналд Трамп маскиран како граничен ѕид на просторот пред арената El Paso County Coliseum.Со прогласувањето вонредна состојба претседателот на САД сака да обезбеди пари и без согласност за средства од Конгресот.

Фотографии на денот

Денови на жалост

(14.02.2019) Тага по сообраќајната несреќа што се случи на патот Скопје-Тетово, во близина на селото Ласкарци. Владата ги прогласи четврток (14.02.) и петок (15.02) за Денови на жалост. Во несреќата загинаа 14, а повредени се преку 30 луѓе.

Фотографии на денот

Менување на таблите на границата

(13.02.2019) Преспанскиот договор со кој се решава спорот за името стапи во сила вечерта на 12.02.2019. Со тоа Република Македонија формално стана Република Северна Македонија. Македонската влада ја задолжи Царинската управа да го промени името на таблите на граничните премини и на двата аеродрома во рок од три дена. Тоа беше направено прво на граничниот премин Богородица, на 13.02. во 13:00.

Фотографии на денот

Награда за Веселинов на Берлиналето

(12.02.2019) Наградата на македонскиот актер му беше врачена на 11.02. на Берлинскиот филмски фестивал. Покрај Благој Веселинов, кој стана познат по улогата во филмот „Исцелител“, наградата ја добија уште 9 актери од Данска, Естонија, Германија, Ирска, Исланд, Норвешка, Полска, Србија и Шведска. Од Македонија пред Веселинов, оваа награда ја имаат добиено добиено Лабина Митевска и Наташа Петровиќ .

Фотографии на денот

Образование со божја помош

(11.02.2019) Оваа #ФотографијаНаДенот е направена во Катманду, Непал, во текот на фестивалот Шри Панчами, посветен на божицата на знаењето Сарасвати. Се верува дека таа помага за успех во образованието. Малото девојче гледа во насока на својот татко додека пишува на ѕидот на храмот Сарасвати.

Фотографии на денот

Зазорување во Франкфурт

(09.02.2019) Нежно утринско црвенило на небото над Стариот мост на реката Мајна во Франкфурт е нашата #ФотографијаНаДенот за сабота (09.02.2019) За викендот во делови од Германија беше најавен силен ветер, некаде проследен со дожд. Причина повеќе да се ужива во мирот кој зрачи од фотографијата.

Фотографии на денот

Пожар во Ламбрехт

(08.02.2019) Во зграда во Ламбрехт, Германија, ноќеска беснееше пожар во кој животот го загубија пет лица. Пожарот најверојатно избил во кујната во еден од становите во поткровјето, нешто пред полноќ. Загинале маж и жена кои живееле во станот и нивни гости. Меѓу загинатите нема деца. Пожарот во меѓувреме е изгаснат. Во Германија ретко се случуваат пожари со толку катастрофални последици.

Фотографии на денот

Земјата сѐ посилно се загрева

(07.02.2019) Оваа #ФотографијаНаДенот не е направена во савана во Африка, туку во Германија за време на минатото рекордно топло лето. Вакви збунувачки пејсажи во изминатите години зачестија и се повеќе од доволна причина за аларм. Изминатите четири години, според Светската метеоролошка организација на ОН, биле најтопли од почетокот на мерењето на температурите во 1880 година.

Фотографии на денот

Отворање на патот за 30-та членка на НАТО

(06.02.2019) НАТО ги започна подготовките за отворање на патот за прием на 30-та членка на Северноатлантската воена алијанса. Во Брисел амбасадорите на членките на НАТО го потпишаа Пристапниот протокол за Македонија. Земјата и нејзините воени сили - на #ФотографијаНаДенот е почесната гарда на АРМ - се „зрели“ за членство речиси 11 години. 

Фотографии на денот

Среќна Нова Година на свињата

(05.02.2019) Ширум Кина во првите денови од февруари сеприсутни беа свињи и прасиња во најразлични форми.Токму како и на оваа #ФотографијаНаДенот направена во градот Нанинг. Сето во чест на Новата година, која според кинескиот календар започна на 5 февруари и ќе биде во знакот на свињата. Свињите, според верувањето на Кинезите, носат среќа, богатство и задоволство.

Albanian Shqip

Amharic አማርኛ

Arabic العربية

Bengali বাংলা

Bosnian B/H/S

Bulgarian Български

Chinese (Simplified) 简

Chinese (Traditional) 繁

Croatian Hrvatski

Dari دری

English English

French Français

German Deutsch

Greek Ελληνικά

Hausa Hausa

Hindi हिन्दी

Indonesian Indonesia

Kiswahili Kiswahili

Macedonian Македонски

Pashto پښتو

Persian فارسی

Polish Polski

Portuguese Português para África

Portuguese Português do Brasil

Romanian Română

Russian Русский

Serbian Српски/Srpski

Spanish Español

Turkish Türkçe

Ukrainian Українська

Urdu اردو